Archivo de etiquetas Plataforma pola Defensa de Corcoesto e Bergantiños

Porcontraminate

Salvamos Cabana! Mineira de Corcoesto perde a derradeira batalla xudicial

A veciñanza bergantiñá, colectivos ecoloxistas e múltiples entidades comprometidas pola salvagarda do territorio recibimos con alegría e alivio esta última nova (que esperamos derradeira) da Mineira de Corcoesto. Todos os nosos esforzos pagaron a pena e a xustiza avala hoxe o que nós tratamos de defender desde 2012.

Moitos puntos quedaron pendentes sen embargo nesta loita que mobilizou a 14 mil persoas o 2 de xuño de 2013, día do Medioambiente, en Compostela, o principal deles é que a mesma Administración que apoiou un proxecto tan perigoso, sigue no poder oito anos máis tarde, ditando leis coas que blindarse en connivencia coa Cámara Mineira.

Aplacada a loita veciñal e colectiva contra este megaproxecto, que en 2013 a Xunta defendiu como proxecto estratéxico (non esquecemos aquel lema da Conselleiría de Industria: Galicia é unha mina), a loita contra a mina de Corcoesto continuou nos tribunais. Así deu comezo en 2016 este procedimento legal, despois de que a Xunta de Galicia, presionada pola contestación social e as evidencias científicas en contra do proxecto, denegara por fin a concesión a empresa Edgewater a través da filial Mineira de Corcoesto.

En 2018, o Tribunal Superior de Xustiza de Galicia avalou a decisión da Xunta de paralizar a mina de ouro, baseada na falta de solvencia financeira e técnica do proxecto. En marzo de 2019, o Tribunal Supremo respaldou esta decisión (ver “La minera de Corcoesto pierde la principal batalla judicial definitivamente“, GaliciaPress, 15.03.2019).

En octubre de 2015, a Xunta de Galicia emitiu unha resolución declarando a caducidade das concesións mineiras para o proxecto de Corcoesto terminando así coa súa concesión. Edgewater considerou que esta declaración era “ilegal” expoñendo a súa intención de exercer todos os recursos dispoñibles para protexer os dereitos e os intereses dos seus accionistas, incluindo a arbitraxe internacional.

A veciñanza alégrase de ver que, catro anos máis tarde, a vida, o medio físico, o traballo e as persoas que vivimos na contorna xa non estamos ameazados polos intereses de accionistas nin pola cotización da empresa na bolsa de Toronto.

Porcontraminate

A mina de Corcoesto volve ao Pleno de Carballo

CONCELLO CARBALLO CADUCIDADE D.M 050Pois alí estivemos no día de onte, no Pleno do concello de Carballo xunto cos compañeiros da Plataforma Pola Defensa de Corcoesto e Bergantiños onde o BNG presentou unha moción sobre a caducidade dos dereitos mineiros do proxecto aurífero de Corcoesto. No texto, acórdase solicitarlle á Xunta de Galicia mediante o escrito formulado pola Plataforma pola Defensa de Corcoesto e Bergantiños a incoación urxente do procedemento de caducidade dos dereitos mineiros relacionados co proxecto de Corcoesto. Ler máis

Porcontraminate

Nota de prensa pola denegación do proxecto mineiro de Corcoesto

A Consellería de Economía e Industria dita resolución de denegación definitiva do proxecto mineiro de Corcoesto.

  • A resolución asinada polo director xeral de enerxía e minas tumba definitivamente o proxecto mineiro promovido por Edgewater.

A Plataforma pola Defensa de Corcoesto e Bergantiños vén de ter coñecemento de que con data 11 de marzo de 2014 Ángel Bernardo Tahoces, director xeral de enerxía e minas ditou resolución de denegación definitiva do proxecto de mina de ouro a ceo aberto de Corcoesto que afectaba aos Concellos de Cabana de Bergantiños, Coristanco e Ponteceso.

Ler máis

Porcontraminate

Nota de prensa relativa á moción contra a mina de Ouro de Corcoesto

O Concello de Coristanco, gobernado polo Partido Popular, aproba por unanimidade unha moción contra a mina de ouro de Corcoesto.

  • A presión veciñal obriga ao alcalde do PP Pensado Plágaro, a aprobar por vía de urxencia unha moción contra a mina de Corcoesto.
  • Con Coristanco, son cinco os concellos de Bergantiños que rexeitan o proxecto mineiro.

Se o luns eran os concellos de Carballo e Zas os que aprobaron sendas mocións contra a mina de ouro de Corcoesto e o emprego do cianuro na minaría, este mércores foi o pleno do Concello de Coristanco o que aprobou outra moción contra a mina, presentada por vía de urxencia polo alcalde Popular de Coristanco ante a presión da veciñanza.

Ler máis

Porcontraminate

Concellos da comarca de Bergantiños debaterán mocións contra a mina de CorcoestoEn los municipios de Bergantiños se debaritá las mociones contra la mina de Corcoesto

1274346_185540888296401_310853587_oA Plataforma pola defensa de Corcoesto e Bergantiños informa de que a vindeira semana varios concellos da Comarca van debater mocións contra a mina de ouro de Corcoesto, sumándose así aos concellos de Laxe e Vimianzo que xa aprobaron mocións contra a mesma.

Os plenos celebraranse segundo o seguinte calendario:

Carballo luns 25 de Novembro ás 20.30 h.

Zas luns 25 de Novembro ás 17.30 h.

A Plataforma amosa a súa satisfacción e aplaude que estes concellos tomen esta iniciativa despois do traballo levado adiante por parte da Plataforma e da veciñanza para visualizar os gravísimos e negativos impactos que tería a mina de Corcoesto para a vida de toda a comarca de Bergantiños. En consecuencia pídenlle a estes concellos que insten a prohibición das tecnoloxías mineiras con base no cianuro e que declaren a prevaleza dos usos gandeiros, agrícolas e forestais sobre os mineiros.

A Plataforma fai un chamamento á veciñanza para que asista masivamente a estes plenos, e unha vez coñecidos os termos destas mocións, a Plataforma fará unha valoración das mesmas.

En Corcoesto a 23 de Novembro de 2013

La Plataforma por la defensa de Corcoesto y Bergantiños informa que la semana próxima varios municipios de la Comarca debatirán las mociones presentadas por los vecinos contra el proyecto de la mina de oro de Corcoesto, sumándose así a los municipios de Laxe y Vimianzo que ya aprobaron mociones contra la misma. Los plenos se celebrarán en las siguientes fechas: Carballo lunes 25 de Noviembre a las 20.30 hs. Zas luns 25 de Noviembre a las 17.30 hs. La Plataforma muestra su satisfacción y aplaude que estos municipios tomen esta iniciativa después del trabajo llevado adelante por parte de  la Plataforma y los vecinos para visualizar los gravísimos y negativos impactos que tendría la mina de Corcoesto para la vida de toda la comarca de Bergantiños. En consecuencia pedimos a estos municipios que insten la prohibición de las tecnologías mineras con uso de cianuro y que declaren la prevalecia de los usos ganderos, agrícolas y forestales sobre los mineros. La Plataforma hace un llamado a los vecinos para que asistan masivamente a estos plenos, y una vez conocidos los resultados de estas mociones, la Plataforma hará una evaluación de las mismas.   En Corcoesto  23 de Noviembre de 2013

other languages »