A mina de Corcoesto volve ao Pleno de Carballo

Porcontraminate

Carballo, Corcoesto, Plataforma pola Defensa de Corcoesto e Bergantiños

A mina de Corcoesto volve ao Pleno de Carballo

Pois alí estivemos no día de onte, no Pleno do concello de Carballo xunto cos compañeiros da Plataforma Pola Defensa de Corcoesto e Bergantiños onde o BNG presentou unha moción sobre a caducidade dos dereitos mineiros do proxecto aurífero de Corcoesto. No texto, acórdase solicitarlle á Xunta de Galicia mediante o escrito formulado pola Plataforma pola Defensa de Corcoesto e Bergantiños a incoación urxente do procedemento de caducidade dos dereitos mineiros relacionados co proxecto de Corcoesto.

No debate da moción, o portavoz do BNG Xosé Regueira instou a Nuñez Centeno, portavoz do Partido Popular, a que se fixese coa maior brevedade posible este procedemento e a que se comprometesen, no caso de que xurdise un novo proxecto o día de mañán, a posicionarse en contra de proxectos destas características. Na sua réplica o voceiro popular afirmou que a Xunta de Galicia  está a realizar dito procedemento de caducidade, nembargantes Nuñez Centeno volveu a  insistir na defensa deste proxecto alegando que se denegou o proxecto por motivos financieiros e non medioambientais. Tamén o voceiro do Partido Popular  afirmou que «no caso de que haxa outras empresas que estivesen interesadas en realizar proxectos coma o de Corcoesto terán o apoio do Partido Popular».   Ao final a mocíón foi aprobada polos votos a favor do BNG e do PSOE, abstivéndose TEGA e votando en contra os concelleiros do Partido Popular. Tamén queremos destacar que ó principo da sesión plenaria se gardou un minuto de silencio polas víctimas do accidente de avión dos Alpes e mais  polos dous mariñeiros veciños de Laxe que perderon a vida mentres faenaban, accidente que nos tocou ben de cerca aos contraminados laxenses.